Os Premios Fouciño nacen coa intención de dinamizar a comarca e loitar contra o seu illamento cultural achegando unha programación innovadora e vangardista a un concello rural como é Zas.

Desde a primeira edición, os Fouciño convertéronse nun importante punto de encontro do sector e fixéronse un oco dentro do panorama audiovisual Galego.

Cinco anos despois da derradeira edición, os Premios Fouciño, primeiro certame de curtametraxes da Costa da Morte, está de volta con un formato similar, co obxetivo de volver a traer a maxia do cine a Baio.

Durante os días previos á celebración do certame realizaranse actividades de distinto tipo relacionadas co audiovisual: proxeccións, bingo cinematográfico, karaoke… No Edificio Praza S/N (Xunto a pastelería Guindas) en Baio. Pulsa aquí para acceder á localización.

O 2 de novembro celebrarase o certame, na que se proxectarán as curtas finalistas e festexaremos na Gala Final coa entrega de premios e posteriores concertos.